muKhaalifin ko hairan karne wala hun

muḳhālifīn ko hairān karne vaalā huuñ

maiñ apnī haar kā elaan karne vaalā huuñ

sunā he dasht meñ vahshat sukūn paatī hai

so apne aap ko vīrān karne vaalā huuñ

fazā meñ chhoḌ rahā huuñ ḳhayāl kā taa.ir

sukūt-e-arsh ko gunjān karne vaalā huuñ

miTā rahā huuñ ḳhirad kī tamām tashbīheñ

junūñ kā rāsta āsān karne vaalā huuñ

haqīqatoñ se kaho hoshiyār ho jaa.eñ

maiñ apne ḳhvāb ko mīzān karne vaalā huuñ

koī ḳhudā-e-mohabbat ko bā-ḳhabar kar de

maiñ ḳhud ko ishq meñ qurbān karne vaalā huuñ

sajā rahā huuñ tabassum kā ik nayā lashkar

hujūm-e-yās kā nuqsān karne vaalā huuñ

muKHalifin ko hairan karne wala hun

main apni haar ka elan karne wala hun

suna he dasht mein wahshat sukun pati hai

so apne aap ko viran karne wala hun

faza mein chhoD raha hun KHayal ka tair

sukut-e-arsh ko gunjaan karne wala hun

miTa raha hun KHirad ki tamam tashbihen

junun ka rasta aasan karne wala hun

haqiqaton se kaho hoshiyar ho jaen

main apne KHwab ko mizan karne wala hun

koi KHuda-e-mohabbat ko ba-KHabar kar de

main KHud ko ishq mein qurban karne wala hun

saja raha hun tabassum ka ek naya lashkar

hujum-e-yas ka nuqsan karne wala hun