muñh meñ zabān hai mire maiñ be-navā nahīñ
duniyā pe apne raaz magar kholtā nahīñ
maiñ ahl-e-zar kī bazm kā nāzim sahī magar
ġhurbat ke saath merā ravayya burā nahīñ
mujh ko chaman kī kaliyoñ se raġhbat zarūr hai
maiñ shāḳh se kalī ko magar toḌtā nahīñ
hai rabb-e-zul-jalāl kī taḳhlīq har bashar
merī nazar meñ koī bhī achchhā burā nahīñ
achhā.iyāñ baTornā merā usuul hai
aur maiñ usuul se kabhī muñh moḌtā nahīñ
jo kuchh bhī māñgtā huuñ ḳhudā-e-azīm se
haath aadmī ke sāmne maiñ joḌtā nahīñ
ham vārisān-e-ilm-o-adab haiñ ki ai 'ḳhatīb'
juz shā'irī hamārā koī mashġhala nahīñ
munh mein zaban hai mere main be-nawa nahin
duniya pe apne raaz magar kholta nahin
main ahl-e-zar ki bazm ka nazim sahi magar
ghurbat ke sath mera rawayya bura nahin
mujh ko chaman ki kaliyon se raghbat zarur hai
main shaKH se kali ko magar toDta nahin
hai rabb-e-zul-jalal ki taKHliq har bashar
meri nazar mein koi bhi achchha bura nahin
achhaiyan baTorna mera usul hai
aur main usul se kabhi munh moDta nahin
jo kuchh bhi mangta hun KHuda-e-azim se
hath aadmi ke samne main joDta nahin
hum warisan-e-ilm-o-adab hain ki ai 'KHatib'
juz sha'iri hamara koi mashghala nahin
Source:
Tabish (Pg. 108)
-
Author:
Abdussamad Khateeb
-
- Year of Publication: 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.