muntazir baiTha hun yun jaise koi aane ko hai

muntazir baiThā huuñ yuuñ jaise koī aane ko hai

jalva-e-rañgīñ kā aalam ruuh par chhāne ko hai

aisā lagtā hai ki phir ik inqalāb aane ko hai

vo nigāh-e-mast kaif-e-husn barsāne ko hai

kuchh na kuchh to is zamāne ko maiñ samjhā huuñ zarūr

kuchh na kuchh to ye zamāna mujh ko samjhāne ko hai

chhā rahī hai zehn par ḳhushbū jamāl-e-yār kī

phir jamāl-e-yār shāyad phuul barsāne ko hai

aaj guzrī hai sabā chupke se ye kahtī huī

muzhda ai ahl-e-qafas fasl-e-bahār aane ko hai

suunā suunā lag rahā hai sub.h kā manzar mujhe

kyā ḳhayāl-e-yār mujh ko chhoḌ kar jaane ko hai

zabt kī tāqat hai baaqī ab na dil par iḳhtiyār

dīda-e-mahjūr ab to ashk barsāne ko hai

tīrgī meñ phir nazar aatī hai 'shāhid' raushnī

phir koī manzar nigāh-e-shauq dikhlāne ko hai

muntazir baiTha hun yun jaise koi aane ko hai

jalwa-e-rangin ka aalam ruh par chhane ko hai

aisa lagta hai ki phir ek inqalab aane ko hai

wo nigah-e-mast kaif-e-husn barsane ko hai

kuchh na kuchh to is zamane ko main samjha hun zarur

kuchh na kuchh to ye zamana mujh ko samjhane ko hai

chha rahi hai zehn par KHushbu jamal-e-yar ki

phir jamal-e-yar shayad phul barsane ko hai

aaj guzri hai saba chupke se ye kahti hui

muzhda ai ahl-e-qafas fasl-e-bahaar aane ko hai

suna suna lag raha hai subh ka manzar mujhe

kya KHayal-e-yar mujh ko chhoD kar jaane ko hai

zabt ki taqat hai baqi ab na dil par iKHtiyar

dida-e-mahjur ab to ashk barsane ko hai

tirgi mein phir nazar aati hai 'shahid' raushni

phir koi manzar nigah-e-shauq dikhlane ko hai