muqable ke na hum dushmani ke qabil hain

muqāble ke na ham dushmanī ke qābil haiñ

zahīn log haiñ bas āshiqī ke qābil haiñ

jo apnī marzī kā socheñ tum un ko dafnā do

ki aisī laḌkiyāñ kab ruḳhsatī ke qābil haiñ

dukhī nahīñ haiñ ki ham kyoñ hue nazar-andāz

hameñ patā hai ki ham be-ruḳhī ke qābil haiñ

hameñ Darāyā gayā kab sikhāyā DaT jaanā

ham aise log faqat ājizī ke qābil haiñ

laḌā.ī ham ko virāsat meñ dī ga.ī hai huzūr

ham ahl-e-jañg kahāñ shā.irī ke qābil haiñ

kisī vabā meñ ḳhudā ham ko mubtalā karegā

ham aise log kahāñ ḳhud-kushī ke qābil haiñ

muqable ke na hum dushmani ke qabil hain

zahin log hain bas aashiqi ke qabil hain

jo apni marzi ka sochen tum un ko dafna do

ki aisi laDkiyan kab ruKHsati ke qabil hain

dukhi nahin hain ki hum kyon hue nazar-andaz

hamein pata hai ki hum be-ruKHi ke qabil hain

hamein Daraya gaya kab sikhaya DaT jaana

hum aise log faqat aajizi ke qabil hain

laDai hum ko wirasat mein di gai hai huzur

hum ahl-e-jang kahan shairi ke qabil hain

kisi waba mein KHuda hum ko mubtala karega

hum aise log kahan KHud-kushi ke qabil hain