muqarrar waqt se pahle samajhdari nahin aati

Mahesh Janib

muqarrar waqt se pahle samajhdari nahin aati

Mahesh Janib

MORE BYMahesh Janib

    muqarrar vaqt se pahle samajhdārī nahīñ aatī

    na aanī ho kisī ko gar to fankārī nahīñ aatī

    jhukānā sīkhnā paḌtā hai sar logoñ ke qadmoñ meñ

    yūñhī jamhūriyat meñ haath sardārī nahīñ aatī

    chalāte haiñ agar talvār ye to kyā ta.ajjub hai

    kareñge aur kyā jin ko qalam-kārī nahīñ aatī

    siyāsī āñdhiyoñ se aag lagnī ġhair-mumkin thī

    kahīñ se uḌ ke maz.hab jo chiñgārī nahīñ aatī

    kyuuñ baḌhtī rahī hai bhuuk daulat zamāne meñ

    tabīboñ samajh ik ye bhī bīmārī nahīñ aatī

    sabhī se ham adab se aur hañs ke baat karte haiñ

    hameñ is se ziyāda bas adākārī nahīñ aatī

    bujhānā bhuul jaa.eñ kaise jaltī battiyāñ ghar

    hamāre ghar ai hākim bijlī sarkārī nahīñ aatī

    tirī bebākiyāñ 'jānib' yahī tasdīq kartī haiñ

    har ik insān ko duniyā meñ hushyārī nahīñ aatī

    muqarrar waqt se pahle samajhdari nahin aati

    na aani ho kisi ko gar to fankari nahin aati

    jhukana sikhna paDta hai sar logon ke qadmon mein

    yunhi jamhuriyat mein hath sardari nahin aati

    chalate hain agar talwar ye to kya tajjub hai

    karenge aur kya jin ko qalam-kari nahin aati

    siyasi aandhiyon se aag lagni ghair-mumkin thi

    kahin se uD ke mazhab ki jo chingari nahin aati

    kyun baDhti ja rahi hai bhuk daulat ki zamane mein

    tabibon ki samajh ek ye bhi bimari nahin aati

    sabhi se hum adab se aur hans ke baat karte hain

    hamein is se ziyaada bas adakari nahin aati

    bujhana bhul jaen kaise jalti battiyan ghar ki

    hamare ghar ai hakim bijli sarkari nahin aati

    teri bebakiyan 'jaanib' yahi tasdiq karti hain

    har ek insan ko duniya mein hushyari nahin aati

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY