murakkab kuchh nahin hai sirf ek pani se banta hai
murakkab kuchh nahīñ hai sirf ik paanī se bantā hai
tirā chehra mirī āñkhoñ meñ āsānī se bantā hai
koī manzar ho bas hotā hai yuuñ hī 'aam sā manzar
tamāsha to ai mere dost hairānī se bantā hai
hameñ sab yaad hai lekin hameñ sab bhuul jaanā hai
yahāñ bantā hai jo kuchh lamha-e-fānī se bantā hai
bikhartī haiñ jo vo zulfeñ to shab kī baat chaltī hai
ruḳh-e-sub.h-e-daraḳhshāñ us kī peshānī se bantā hai
zarā ik sochnā aur tujh ko apne dil meñ pā lenā
koī bhī kaam ho kab itnī āsānī se bantā hai
murakkab kuchh nahin hai sirf ek pani se banta hai
tera chehra meri aankhon mein aasani se banta hai
koi manzar ho bas hota hai yun hi 'am sa manzar
tamasha to ai mere dost hairani se banta hai
hamein sab yaad hai lekin hamein sab bhul jaana hai
yahan banta hai jo kuchh lamha-e-fani se banta hai
bikharti hain jo wo zulfen to shab ki baat chalti hai
ruKH-e-subh-e-daraKHshan us ki peshani se banta hai
zara ek sochna aur tujh ko apne dil mein pa lena
koi bhi kaam ho kab itni aasani se banta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
