murjhaya kabhi dil ko shagufta paya

murjhāyā kabhī dil ko shagufta paayā

har baar nayā zaḳhm-e-tamannā paayā

har guzre hue vaqt ko anqā paayā

aate hue lamhāt ko dhuñdlā paayā

kitne hī masīhā the jo qātil nikle

qātil jise samjhe the masīhā paayā

dekhūñ to gumāñ ā.ina-bīnī kā ho

ab tak na koī duniyā meñ aisā paayā

yaad aa ga.ī maazī kī baḌī shiddat se

māthe kī lakīroñ ko jo gahrā paayā

jī meñ thā ki auroñ kā tamāshā dekhūñ

hosh aayā to ḳhud ko hī tamāshā paayā

ḳhvāboñ ke ka.ī jaam piye āñkhoñ ne

ḳhvāboñ se magar dil na bahaltā paayā

'iqbāl' mire haal se ye zāhir hai

kyā dil kī tamanna thī magar kyā paayā

murjhaya kabhi dil ko shagufta paya

har bar naya zaKHm-e-tamanna paya

har guzre hue waqt ko anqa paya

aate hue lamhat ko dhundla paya

kitne hi masiha the jo qatil nikle

qatil jise samjhe the masiha paya

dekhun to guman aaina-bini ka ho

ab tak na koi duniya mein aisa paya

yaad aa gai mazi ki baDi shiddat se

mathe ki lakiron ko jo gahra paya

ji mein tha ki auron ka tamasha dekhun

hosh aaya to KHud ko hi tamasha paya

KHwabon ke kai jam piye aankhon ne

KHwabon se magar dil na bahalta paya

'iqbaal' mere haal se ye zahir hai

kya dil ki tamanna thi magar kya paya