musafir bhi safar mein imtihan dene se Darte hain

musāfir bhī safar meñ imtihāñ dene se Darte haiñ

mohabbat kyā kareñge vo jo jaañ dene se Darte haiñ

tirī yādoñ ke mausam bhī tujhe rusvā nahīñ karte

sulagte haiñ dil-o-jāñ aur dhuāñ dene se Darte haiñ

sharīk-e-zindagī hai e'tibār-e-zindagī varna

makāñ mālik kirā.e par makāñ dene se Darte haiñ

buzurgoñ kī koī suntā nahīñ hai is zamāne meñ

baḌe chhoToñ ke baare meñ zabāñ dene se Darte haiñ

mire qātil kī mere ghar se hī imdād hotī hai

mire bhaa.ī mire haq meñ bayāñ dene se Darte haiñ

musafir bhi safar mein imtihan dene se Darte hain

mohabbat kya karenge wo jo jaan dene se Darte hain

teri yaadon ke mausam bhi tujhe ruswa nahin karte

sulagte hain dil-o-jaan aur dhuan dene se Darte hain

sharik-e-zindagi hai e'tibar-e-zindagi warna

makan malik kirae par makan dene se Darte hain

buzurgon ki koi sunta nahin hai is zamane mein

baDe chhoTon ke bare mein zaban dene se Darte hain

mere qatil ki mere ghar se hi imdad hoti hai

mere bhai mere haq mein bayan dene se Darte hain