musalmāñ ke lahū meñ hai salīqa dil-navāzī kā
muravvat husn-e-ālam-gīr hai mardān-e-ġhāzī kā
shikāyat hai mujhe yā rab ḳhudāvañdān-e-maktab se
sabaq shāhīñ bachchoñ ko de rahe haiñ ḳhāk-bāzī kā
bahut muddat ke naḳhchīroñ kā andāz-e-nigah badlā
ki maiñ ne faash kar Daalā tarīqa shāh-bāzī kā
qalandar juz do harf-e-lā-ilāh kuchh bhī nahīñ rakhtā
faqīh-e-shahr qārūñ hai luġhat-hā-e-hijāzī kā
hadīs-e-bāda-o-mīnā-o-jām aatī nahīñ mujh ko
na kar ḳhārā-shigāfoñ se taqāzā shīsha-sāzī kā
kahāñ se tū ne ai 'iqbāl' sīkhī hai ye darveshī
ki charchā pādshāhoñ meñ hai terī be-niyāzī kā
musalman ke lahu mein hai saliqa dil-nawazi ka
murawwat husn-e-alam-gir hai mardan-e-ghazi ka
shikayat hai mujhe ya rab KHudawandan-e-maktab se
sabaq shahin bachchon ko de rahe hain KHak-bazi ka
bahut muddat ke naKHchiron ka andaz-e-nigah badla
ki main ne fash kar Dala tariqa shah-bazi ka
qalandar juz do harf-e-la-ilah kuchh bhi nahin rakhta
faqih-e-shahr qarun hai lughat-ha-e-hijazi ka
hadis-e-baada-o-mina-o-jam aati nahin mujh ko
na kar KHara-shigafon se taqaza shisha-sazi ka
kahan se tu ne ai 'iqbaal' sikhi hai ye darweshi
ki charcha padshahon mein hai teri be-niyazi ka
Videos
This video is playing from YouTube
Unknown
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.