mushaf-e-ruKH ka tumhaare jo sana-KHwan hota

mus.haf-e-ruḳh kā tumhāre jo sanā-ḳhvāñ hotā

dil-e-betāb mirā hāfiz-e-qurāñ hotā

misra-e-bahr-e-tavīl aap ba-īñ qāmat-o-qad

maiñ vo misra nahīñ jo aap pe chaspāñ hotā

tere rocket se bhī ai yaar maiñ letā Takkar

mere qabze meñ agar taḳht-e-sulaimāñ hotā

is meñ kuchh terī nahūsat bhī hai shāmil vaa.iz

varna allāh kā ghar aisā na vīrāñ hotā

shaiḳh laanī hī thī botal to chhupā kar laate

dekhtā kaise koī is pe jo dāmāñ hotā

dekhtā tū jo chhalaktā huā miinā vaa.iz

terī badhnī se bhī arzāñ tirā īmāñ hotā

hotī ai qais jo lailā kī koī aur bahan

saath 'hāshim' bhī tire chāk-garebāñ hotā

mushaf-e-ruKH ka tumhaare jo sana-KHwan hota

dil-e-betab mera hafiz-e-quran hota

misra-e-bahr-e-tawil aap ba-in qamat-o-qad

main wo misra nahin jo aap pe chaspan hota

tere rocket se bhi ai yar main leta Takkar

mere qabze mein agar taKHt-e-sulaiman hota

is mein kuchh teri nahusat bhi hai shamil waiz

warna allah ka ghar aisa na viran hota

shaiKH lani hi thi botal to chhupa kar late

dekhta kaise koi is pe jo daman hota

dekhta tu jo chhalakta hua mina waiz

teri badhni se bhi arzan tera iman hota

hoti ai qais jo laila ki koi aur bahan

sath 'hashim' bhi tere chaak-gareban hota