mushkil ye imtiyāz tirī rāhguzar meñ hai
manzil safar meñ hai ki musāfir safar meñ hai
huuñ muztarib magar tirī sūrat nazar meñ hai
pahlū bhī ik sukūn kā dard-e-jigar meñ hai
thoḌī sī ḳhaak maiñ ne uThā lī zamīn se
ab saarī zindagī kā ḳhulāsa nazar meñ hai
ai āftāb-e-sub.h idhar bhī koī kiran
muddat se ik ġharīb umīd-e-sahar meñ hai
pūchho na ek ek se mere junūñ kā raaz
mere junūñ kā raaz tumhārī nazar meñ hai
ka.abe ko māntā huuñ magar is yaqīñ ke saath
ka.aba bhī ik maqām tirī rahguzar meñ hai
maanā ki sab ne aap ko dekhā hai shauq se
pahchānñe ḳhulūs-e-nazar kis nazar meñ hai
fasl-e-bahār aa.ī hai kaise yaqīñ kareñ
'shārib' hai jis kā naam vo dīvāna ghar meñ hai
mushkil ye imtiyaz teri rahguzar mein hai
manzil safar mein hai ki musafir safar mein hai
hun muztarib magar teri surat nazar mein hai
pahlu bhi ek sukun ka dard-e-jigar mein hai
thoDi si KHak main ne uTha li zamin se
ab sari zindagi ka KHulasa nazar mein hai
ai aaftab-e-subh idhar bhi koi kiran
muddat se ek gharib umid-e-sahar mein hai
puchho na ek ek se mere junun ka raaz
mere junun ka raaz tumhaari nazar mein hai
kabe ko manta hun magar is yaqin ke sath
kaba bhi ek maqam teri rahguzar mein hai
mana ki sab ne aap ko dekha hai shauq se
pahchanne KHulus-e-nazar kis nazar mein hai
fasl-e-bahaar aai hai kaise yaqin karen
'shaarib' hai jis ka nam wo diwana ghar mein hai
Source:
Firdaus-e-Nazar (Pg. 133)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.