mushkilon mein paD gae apna KHuda kah kar tujhe

Ved Prakash Malik Sarshar

mushkilon mein paD gae apna KHuda kah kar tujhe

Ved Prakash Malik Sarshar

MORE BYVed Prakash Malik Sarshar

    mushkiloñ meñ paḌ ga.e apnā ḳhudā kah kar tujhe

    kah de ham pukāreñ aur kyā kah kar tujhe

    hāl-e-dil kahne kyā ab bhī zarūrat rah ga.ī

    jab pukārā ham ne apnā dil-rubā kah kar tujhe

    jāda-e-manzil pe khā kar Thokareñ hosh aa gayā

    kis qadar ḳhush the ham apnā rahnumā kah kar tujhe

    tere hote terī duniyā meñ ye bedād-o-sitam

    log pachhtāne lage apnā ḳhudā kah kar tujhe

    ik zamāna ham se ġhussa hai ye ham ne kyā kiyā

    sab ko chhoTā kar diyā sab se baḌā kah kar tujhe

    saarī duniyā se adāvat mol le muft meñ

    ham ne apnā dost apnā ham-navā kah kar tujhe

    aah ye apnā safīna aur girdāb-e-balā

    saḳht sharminda hue ham nāḳhudā kah kar tujhe

    kis tarah ye ham vafādāroñ se dekhā jā.egā

    log mahfil meñ pukāreñ bevafā kah kar tujhe

    aur bhī un nigāhoñ meñ mohazzab ho gayā

    kyā milā 'sarshār' dil mājrā kah kar tujhe

    mushkilon mein paD gae apna KHuda kah kar tujhe

    tu hi kah de hum pukaren aur kya kah kar tujhe

    haal-e-dil kahne ki kya ab bhi zarurat rah gai

    jab pukara hum ne apna dil-ruba kah kar tujhe

    jada-e-manzil pe kha kar Thokaren hosh aa gaya

    kis qadar KHush the hum apna rahnuma kah kar tujhe

    tere hote teri duniya mein ye bedad-o-sitam

    log pachhtane lage apna KHuda kah kar tujhe

    ek zamana hum se ghussa hai ye hum ne kya kiya

    sab ko chhoTa kar diya sab se baDa kah kar tujhe

    sari duniya se adawat mol le li muft mein

    hum ne apna dost apna ham-nawa kah kar tujhe

    aah ye apna safina aur girdab-e-bala

    saKHt sharminda hue hum naKHuda kah kar tujhe

    kis tarah ye hum wafadaron se dekha jaega

    log mahfil mein pukaren bewafa kah kar tujhe

    aur bhi un ki nigahon mein mohazzab ho gaya

    kya mila 'sarshaar' dil ka majra kah kar tujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY