mushtaq the jis ke jalwon ke aankhon ka chhalakta jam liye

mushtāq the jis ke jalvoñ ke āñkhoñ kā chhalaktā jaam liye

vo sub.h-e-tarab aa.ī to magar dāman meñ hazāroñ shaam liye

is daur-e-tarab meñ ai hamdam mat pūchh masarrat kā aalam

bhūle se hañsī aa.ī to magar talḳhī-e-ġham-e-ayyām liye

aisā na ho ik din ghabrā kar maiñ tark-e-mohabbat kar baiThūñ

dekhoge mirī jānib kab tak tum silsila-e-auhām liye

zindān-o-qafas kī baat nahīñ ye haal hai apnā gulshan meñ

paanī jo milā to zahr milā daana jo milā ik daam liye

'muslim' mujhe apne miTne kī kuchh fikr nahīñ haañ ġham ye hai

is daur meñ jo fitna bhī uThā kam-baḳht mirā hī naam liye

mushtaq the jis ke jalwon ke aankhon ka chhalakta jam liye

wo subh-e-tarab aai to magar daman mein hazaron sham liye

is daur-e-tarab mein ai hamdam mat puchh masarrat ka aalam

bhule se hansi aai to magar talKHi-e-gham-e-ayyam liye

aisa na ho ek din ghabra kar main tark-e-mohabbat kar baiThun

dekhoge meri jaanib kab tak tum silsila-e-auham liye

zindan-o-qafas ki baat nahin ye haal hai apna gulshan mein

pani jo mila to zahr mila dana jo mila ek dam liye

'muslim' mujhe apne miTne ki kuchh fikr nahin han gham ye hai

is daur mein jo fitna bhi uTha kam-baKHt mera hi nam liye