musibat jis se zail ho rahi saman kar dega

Shad Azimabadi

musibat jis se zail ho rahi saman kar dega

Shad Azimabadi

MORE BYShad Azimabadi

    musībat jis se zaa.il ho rahī sāmān kar degā

    na ghabrānā ḳhudā sab mushkileñ āsān kar degā

    ḳharābāt-e-jahāñ meñ kaun hai dil-soz saaqī

    agar tarchhaT bhī denā hai to tujh ko chhān kar degā

    qanā.at bhī daulat ho to istiġhnā nahīñ lāzim

    jise naf.a samjhā hai yahī nuqsān kar degā

    jagah dil meñ na de shauq-e-numū-dārī burī shai hai

    yahī chaskā tujhe barbād ai nādān kar degā

    kahūñgā aaj se maiñ sāhib-e-ejāz nāseh ko

    agar mere dil-e-muztar itmīnān kar degā

    tamannāoñ mehmānī tasavvur ke havāle kar

    ki jo sāmāñ munāsib hai vahī sāmān kar degā

    matā-e-be-bahā se kam na jaan ai chashm ashkoñ ko

    yahī ronā tirā ḳhālī tirī dūkān kar degā

    koī gar saltanat bhī de to vāpas kar na le ai dil

    subuk har tarf tujh ko ġhair ehsān kar degā

    kahe detā huuñ qātil le ḳhabar jāñ-bāz apne

    fanā shauq-e-shahādat meñ kisī din jaan kar degā

    tirī rū-poshiyāñ ai husn kab be-kār jā.eñgī

    yahī parda ayaañ aalam meñ terī shaan kar degā

    yaqīñ kar le ki ḳhud vo jalva-gar parde meñ hai varna

    yahī zālim gumāñ terā tujhe hairān kar degā

    ġhazal se kyā murād ai 'shād' hai arbāb-e-ma.anī

    kisī din tasfiya us mirā dīvān kar degā

    musibat jis se zail ho rahi saman kar dega

    na ghabrana KHuda sab mushkilen aasan kar dega

    KHarabaat-e-jahan mein kaun hai dil-soz saqi sa

    agar tarchhaT bhi dena hai to tujh ko chhan kar dega

    qanaat ki bhi daulat ho to istighna nahin lazim

    jise tu nafa samjha hai yahi nuqsan kar dega

    jagah dil mein na de shauq-e-numu-dari buri shai hai

    yahi chaska tujhe barbaad ai nadan kar dega

    kahunga aaj se main sahib-e-ejaz naseh ko

    agar mere dil-e-muztar ka itminan kar dega

    tamannaon ki mehmani tasawwur ke hawale kar

    ki jo saman munasib hai wahi saman kar dega

    mata-e-be-baha se kam na jaan ai chashm ashkon ko

    yahi rona tera KHali teri dukan kar dega

    koi gar saltanat bhi de to wapas kar na le ai dil

    subuk har tarf tujh ko ghair ka ehsan kar dega

    kahe deta hun qatil le KHabar jaan-baz ki apne

    fana shauq-e-shahadat mein kisi din jaan kar dega

    teri ru-poshiyan ai husn kab be-kar jaengi

    yahi parda ayan aalam mein teri shan kar dega

    yaqin kar le ki KHud wo jalwa-gar parde mein hai warna

    yahi zalim guman tera tujhe hairan kar dega

    ghazal se kya murad ai 'shad' hai arbab-e-mani ki

    kisi din tasfiya us ka mera diwan kar dega

    Source :
    • Book : Dewan-e-shad Azimabadi (Pg. 64)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY