muskura sakta nahin aansu baha sakta nahin

muskurā saktā nahīñ aañsū bahā saktā nahīñ

zindagī ab maiñ tire ehsāñ uThā saktā nahīñ

jo shikast-e-ārzū par muskurā saktā nahīñ

zindagī kī azmatoñ kā raaz pā saktā nahīñ

tālibān-e-rañg-o-bū kāñToñ se dāman-kash na hoñ

shāḳh-e-gul tak yuuñ kisī kā haath jā saktā nahīñ

tujh se mil kar jaane kyuuñ hotā hai ye mujh ko gumāñ

tujh ko kho saktā huuñ lekin tujh ko pā saktā nahīñ

mutma.in huuñ maiñ ki zinda hai mirī tab-e-ġhayūr

merī ḳhuddārī pe koī harf aa saktā nahīñ

sham-e-giryāñ ko bhalā kyā azmat-e-ġham kī ḳhabar

koī parvāna kabhī aañsū bahā saktā nahīñ

tujh se milne kī tamannā hai ki tujh se rah ke duur

e'tibār-e-hastī-e-mauhūm aa saktā nahīñ

'lais' maiñ rakhtā huuñ pahlū meñ dil-e-dard-āshnā

bhuul kar bhī maiñ kisī kā dil dukhā saktā nahīñ

muskura sakta nahin aansu baha sakta nahin

zindagi ab main tere ehsan uTha sakta nahin

jo shikast-e-arzu par muskura sakta nahin

zindagi ki azmaton ka raaz pa sakta nahin

taliban-e-rang-o-bu kanTon se daman-kash na hon

shaKH-e-gul tak yun kisi ka hath ja sakta nahin

tujh se mil kar jaane kyun hota hai ye mujh ko guman

tujh ko kho sakta hun lekin tujh ko pa sakta nahin

mutmain hun main ki zinda hai meri tab-e-ghayur

meri KHuddari pe koi harf aa sakta nahin

sham-e-giryan ko bhala kya azmat-e-gham ki KHabar

koi parwana kabhi aansu baha sakta nahin

tujh se milne ki tamanna hai ki tujh se rah ke dur

e'tibar-e-hasti-e-mauhum aa sakta nahin

'lais' main rakhta hun pahlu mein dil-e-dard-ashna

bhul kar bhi main kisi ka dil dukha sakta nahin