muskurahaTen sikhen qahr ki nigahon se
muskurāhaTeñ sīkheñ qahr kī nigāhoñ se
dād-e-sarkashī le lī ham ne kaj-kulāhoñ se
kyā kaheñ mohabbat kā raaz kam-nigāhoñ se
ham ne dil banā.e haiñ āñsuoñ se aahoñ se
apnī ma.arifat kā ham ek din sabaq deñge
dekhte chale jaao ajnabī nigāhoñ se
us ke haq kā mujrim huuñ phir bhī us kī rahmat hai
ḳhud bachā liyā mujh ko mubtazil gunāhoñ se
farsh par hai taḳht un kā arsh par dimāġh apnā
kyā faqīr rahte haiñ dab ke bādshāhoñ se
saare mas.ale hal haiñ maslak-e-mohabbat meñ
un kī raah miltī hai be-shumār rāhoñ se
'najm' ye nishānī hai ahl-e-dil kī duniyā meñ
ham ko ḳhaas nisbat hai ġham kī bārgāhoñ se
muskurahaTen sikhen qahr ki nigahon se
dad-e-sarkashi le li hum ne kaj-kulahon se
kya kahen mohabbat ka raaz kam-nigahon se
hum ne dil banae hain aansuon se aahon se
apni marifat ka hum ek din sabaq denge
dekhte chale jao ajnabi nigahon se
us ke haq ka mujrim hun phir bhi us ki rahmat hai
KHud bacha liya mujh ko mubtazil gunahon se
farsh par hai taKHt un ka arsh par dimagh apna
kya faqir rahte hain dab ke baadshahon se
sare masale hal hain maslak-e-mohabbat mein
un ki rah milti hai be-shumar rahon se
'najm' ye nishani hai ahl-e-dil ki duniya mein
hum ko KHas nisbat hai gham ki bargahon se
Source:
Rooh-e-Ghazal,Pachas Sala Intekhab (Pg. 134)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
