muskurane se muddaa kya hai
muskurāne se mudda.ā kyā hai
kah rahe haiñ tumheñ huā kyā hai
pairahan adl kā pahan aa.ī
kaun mazlūm hai jafā kyā hai
shikve ke naam se hī barham haiñ
ye nahīñ pūchhte gilā kyā hai
Daal dī jis ke hausle ne sipar
vo tunak-ārzū jiyā kyā hai
ḳhidmat-e-bandagān-e-haq ke sivā
is ḳharābe meñ kīmiyā kyā hai
sādgī meñ hazār purkārī
bāñkpan meñ chhupā huā kyā hai
izzat-e-nafs rakh sako mahfūz
aur is ke sivā duā kyā hai
saaf do-pāT āsmān-o-zamīñ
daana ġhāfil hai āsiyā kyā hai
muskurane se muddaa kya hai
kah rahe hain tumhein hua kya hai
pairahan adl ka pahan aai
kaun mazlum hai jafa kya hai
shikwe ke nam se hi barham hain
ye nahin puchhte gila kya hai
Dal di jis ke hausle ne sipar
wo tunak-arzu jiya kya hai
KHidmat-e-bandagan-e-haq ke siwa
is KHarabe mein kimiya kya hai
sadgi mein hazar purkari
bankpan mein chhupa hua kya hai
izzat-e-nafs rakh sako mahfuz
aur is ke siwa dua kya hai
saf do-paT aasman-o-zamin
dana ghafil hai aasiya kya hai
Source:
Lamhaat (Pg. 39)
- Author: Syed Hamid
-
- Edition: 1987
- Publisher: Taj Compnay, Delhi
- Year of Publication: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
