aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mutakabbir na ho zardar baDi mushkil hai

Parveen Umm-e-Mushtaq

mutakabbir na ho zardar baDi mushkil hai

Parveen Umm-e-Mushtaq

MORE BYParveen Umm-e-Mushtaq

    mutakabbir na ho zardār baḌī mushkil hai

    sab hai āsān ye sarkār baḌī mushkil hai

    kufr par ḳhalq hai tayyār baḌī mushkil hai

    diin bilkul nahīñ darkār baḌī mushkil hai

    kaise TeḌhā na chale maar baḌī mushkil hai

    sīdhī ho zulf-e-girah-dār baḌī mushkil hai

    aur hoñge vo koī daam meñ aane vaale

    murġh-e-dānā ho giraftār baḌī mushkil hai

    dil hai ġhamnāk to kaunain hai mātam-ḳhāna

    rote haiñ sab dar-o-dīvār baḌī mushkil hai

    log kahte haiñ ki dil us ko na denā lekin

    ba.ad iqrār kai inkār baḌī mushkil hai

    sho.ala-e-husn-e-butāñ phūñk na de aalam ko

    surḳh haiñ phuul se ruḳhsār baḌī mushkil hai

    in dinoñ hazrat-e-yūsuf vo nā-qadrī hai

    nahīñ buḌhiyā bhī ḳharīdār burī mushkil hai

    mil ke rahnā nahiñ jāntā yaañ ab koī

    jān-o-dil meñ bhī hai takrār baḌī mushkil hai

    na taraddud mazā hai na sukūñ lazzat

    kabhī va.ada kabhī inkār baḌī mushkil hai

    tālib-e-sulh huuñ maiñ aur nazar tālib-e-jañg

    raat din laḌne pe tayyār baḌī mushkil hai

    haa.e duniyā meñ kisī meñ nahīñ itnī bhī vafā

    jitnā kuttā hai vafādār baḌī mushkil hai

    aaj tum teġh-ba-kaf ho to safā-chaT maidāñ

    kaun marne pe ho tayyār baḌī mushkil hai

    jins-e-dil bechne ham ko zarūrat 'parvīñ'

    aur ma.adūm ḳharīdār baḌī mushkil hai

    mutakabbir na ho zardar baDi mushkil hai

    sab hai aasan ye sarkar baDi mushkil hai

    kufr par KHalq hai tayyar baDi mushkil hai

    din bilkul nahin darkar baDi mushkil hai

    kaise TeDha na chale mar baDi mushkil hai

    sidhi ho zulf-e-girah-dar baDi mushkil hai

    aur honge wo koi dam mein aane wale

    murgh-e-dana ho giraftar baDi mushkil hai

    dil hai ghamnak to kaunain hai matam-KHana

    rote hain sab dar-o-diwar baDi mushkil hai

    log kahte hain ki dil us ko na dena lekin

    baad iqrar kai inkar baDi mushkil hai

    shoala-e-husn-e-butan phunk na de aalam ko

    surKH hain phul se ruKHsar baDi mushkil hai

    in dinon hazrat-e-yusuf ki wo na-qadri hai

    nahin buDhiya bhi KHaridar buri mushkil hai

    mil ke rahna hi nahin jaanta yan ab koi

    jaan-o-dil mein bhi hai takrar baDi mushkil hai

    na taraddud ka maza hai na sukun ki lazzat

    kabhi wada kabhi inkar baDi mushkil hai

    talib-e-sulh hun main aur nazar talib-e-jang

    raat din laDne pe tayyar baDi mushkil hai

    hae duniya mein kisi mein nahin itni bhi wafa

    jitna kutta hai wafadar baDi mushkil hai

    aaj tum tegh-ba-kaf ho to safa-chaT maidan

    kaun marne pe ho tayyar baDi mushkil hai

    jins-e-dil bechne ki hum ko zarurat 'parwin'

    aur madum KHaridar baDi mushkil hai

    Source:

    Deewan-e-parveen (Pg. ebook-183 page-180)

    • Author: Parveen Umm-e-Mushtaq
      • Publisher: Azizi Press
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now