mu-e-safed sar pe dubara nikal gaya

mū-e-safed sar pe dubāra nikal gayā

Dhalne lagā jo 'aql ke sāñche meñ Dhal gayā

jalte hue hasīn patangoñ ko dekh kar

aisā huā ki aap hī parvāna jal gayā

rakhtā thā ḳhār-e-zīst ko juute kī nok par

andar kā aabla so bahut phūl-phal gayā

muTThī meñ merī ret thī aur vo phisal ga.ī

duuje meñ ek barf kā TukḌā thā gal gayā

jī meñ kabhī-kabhār to aatā hai bol duuñ

uTh us ke āsare se nikal chal bahal gayā

āñkheñ nikāl kar ke sajā dī haiñ taaq meñ

kyā aañkh le ke ghūmtā manzar badal gayā

sab ko lagā mu'āf kiyā hai use magar

ġhusse se mere haath kā patthar pighal gayā

mu-e-safed sar pe dubara nikal gaya

Dhalne laga jo 'aql ke sanche mein Dhal gaya

jalte hue hasin patangon ko dekh kar

aisa hua ki aap hi parwana jal gaya

rakhta tha KHar-e-zist ko jute ki nok par

andar ka aabla so bahut phul-phal gaya

muTThi mein meri ret thi aur wo phisal gai

duje mein ek barf ka TukDa tha gal gaya

ji mein kabhi-kabhaar to aata hai bol dun

uTh us ke aasare se nikal chal bahal gaya

aankhen nikal kar ke saja di hain taq mein

kya aankh le ke ghumta manzar badal gaya

sab ko laga mu'af kiya hai use magar

ghusse se mere hath ka patthar pighal gaya