muzmahil hone pe bhi KHud ko jawan rakhte hain hum

Zaheer Kashmiri

muzmahil hone pe bhi KHud ko jawan rakhte hain hum

Zaheer Kashmiri

MORE BYZaheer Kashmiri

    muzmahil hone pe bhī ḳhud ko javāñ rakhte haiñ ham

    ek sar hai jis pe sātoñ āsmāñ rakhte haiñ ham

    ham garebāñ-chāk logoñ ko tahī-dāman na jaan

    le qimār-e-āshiqī meñ naqd-e-jāñ rakhte haiñ ham

    koī to āḳhir chalā aa.egā pursish ke liye

    na aa.egā to marg-e-nā-gahāñ rakhte haiñ ham

    ehtirām-e-ġham se haiñ sūkhe jazīroñ tarah

    varna in āñkhoñ meñ bahr-e-be-karāñ rakhte haiñ ham

    ishq meñ zauq-e-takallum hai halākat-āfrīñ

    aarzū bhī ehtiyātan be-zabāñ rakhte haiñ ham

    mah-vashoñ ke ārizoñ meñ dekhte haiñ apnā aks

    allāh allāh apnā saaya bhī kahāñ rakhte haiñ ham

    laakh hoñ phailī huī manzil-ba-manzil zulmateñ

    saath apne mash.al-e-husn-e-butāñ rakhte haiñ ham

    muzmahil hone pe bhi KHud ko jawan rakhte hain hum

    ek sar hai jis pe saton aasman rakhte hain hum

    hum gareban-chaak logon ko tahi-daman na jaan

    le qimar-e-ashiqi mein naqd-e-jaan rakhte hain hum

    koi to aaKHir chala aaega pursish ke liye

    tu na aaega to marg-e-na-gahan rakhte hain hum

    ehtiram-e-gham se hain sukhe jaziron ki tarah

    warna in aankhon mein bahr-e-be-karan rakhte hain hum

    ishq mein zauq-e-takallum hai halakat-afrin

    aarzu bhi ehtiyatan be-zaban rakhte hain hum

    mah-washon ke aarizon mein dekhte hain apna aks

    allah allah apna saya bhi kahan rakhte hain hum

    lakh hon phaili hui manzil-ba-manzil zulmaten

    sath apne mashal-e-husn-e-butan rakhte hain hum

    Source:

    • Book : Raqs-e-junuu.n (Pg. 38)
    • Author : Zaheer Kashmiri
    • Publication : Mohd Jameel-un-nabi (1982)
    • Edition : 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY