myan se tera agar KHanjar nikal kar rah gaya

Mirza Altaf Husain Alim Lucknowi

myan se tera agar KHanjar nikal kar rah gaya

Mirza Altaf Husain Alim Lucknowi

MORE BYMirza Altaf Husain Alim Lucknowi

    myaan se terā agar ḳhanjar nikal kar rah gayā

    mere bhī dil meñ baḌā armāñ sitamgar rah gayā

    kyā faqat kūche meñ tere merā bistar rah gayā

    balki mujh se chhūT kar dil kahīñ par rah gayā

    mai-kashoñ ke daur meñ baiThe the ham bhī bā-nasīb

    ab to ḳhālī haath meñ saaqī ke sāġhar rah gayā

    mere kis armāñ ne mere qatl se rokā tujhe

    jo kamar se tere yuuñ ḳhanjar nikal kar rah gayā

    dar tak us ke maiñ pahuñch jā.ūñgā ye kahtā huā

    tere kūche meñ mirā bhūle se bistar rah gayā

    maut aa.ī hai mujhe lene ko ye kah de koī

    rahne vaalā mar gayā ujḌā huā ghar rah gayā

    vā.e-nākāmī ki uḌne bhī na paayā thā abhī

    bāñdhte naama bāzū-e-kabūtar rah gayā

    dil māyūsī na pūchho jab vo pahlū se uThe

    kar kyā saktā thā taḌpā aur taḌap kar rah gayā

    sab ko lauh-e-qabr merā bhī yuuñ degī nishāñ

    aa.ine se jis tarah nām-e-sikandar rah gayā

    ishq us ke gesuoñ kyā huā 'ālim' mujhe

    saare aalam jo saudā thā mire sar rah gayā

    myan se tera agar KHanjar nikal kar rah gaya

    mere bhi dil mein baDa arman sitamgar rah gaya

    kya faqat kuche mein tere mera bistar rah gaya

    balki mujh se chhuT kar dil hi kahin par rah gaya

    mai-kashon ke daur mein baiThe the hum bhi ba-nasib

    ab to KHali hath mein saqi ke saghar rah gaya

    mere kis arman ne mere qatl se roka tujhe

    jo kamar se tere yun KHanjar nikal kar rah gaya

    dar tak us ke main pahunch jaunga ye kahta hua

    tere kuche mein mera bhule se bistar rah gaya

    maut aai hai mujhe lene ko ye kah de koi

    rahne wala mar gaya ujDa hua ghar rah gaya

    wae-nakaami ki uDne bhi na paya tha abhi

    bandhte hi nama bazu-e-kabutar rah gaya

    dil ki mayusi na puchho jab wo pahlu se uThe

    kar hi kya sakta tha taDpa aur taDap kar rah gaya

    sab ko lauh-e-qabr mera bhi yun hi degi nishan

    aaine se jis tarah nam-e-sikandar rah gaya

    ishq us ke gesuon ka kya hua 'alim' mujhe

    sare aalam ka jo sauda tha mere sar rah gaya

    Source:

    • Book : Intekhab-e-Kuliyat Aalim Lucknowi (Pg. 263)
    • Author : Mirza Mohammad Yousuf
    • Publication : M. R. Publication (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY