na aana tha na aaya aane wala

na aanā thā na aayā aane vaalā

gayā duniyā se āḳhir jaane vaalā

chhupāo laakh tum apne ko lekin

tumheñ pā kar rahegā paane vaalā

mohabbat ko samajh se vāsta kyā

kaho ab chup rahe samjhāne vaalā

yahāñ be-sūd hai zikr-e-ġham-e-dil

yahāñ koī nahīñ ġham khāne vaalā

mujhe to hai ġharaz insāniyat se

haram vaalā ho yā but-ḳhāne vaalā

samajhne vaalā ab koī nahīñ hai

jise dekho vo hai samjhāne vaalā

hazāroñ milte haiñ ġham dene vaale

koī miltā nahīñ ġham khāne vaalā

sabhī kā tum to ġham khāte ho 'āsī'

tumhārā kaun hai ġham khāne vaalā

na aana tha na aaya aane wala

gaya duniya se aaKHir jaane wala

chhupao lakh tum apne ko lekin

tumhein pa kar rahega pane wala

mohabbat ko samajh se wasta kya

kaho ab chup rahe samjhane wala

yahan be-sud hai zikr-e-gham-e-dil

yahan koi nahin gham khane wala

mujhe to hai gharaz insaniyat se

haram wala ho ya but-KHane wala

samajhne wala ab koi nahin hai

jise dekho wo hai samjhane wala

hazaron milte hain gham dene wale

koi milta nahin gham khane wala

sabhi ka tum to gham khate ho 'asi'

tumhaara kaun hai gham khane wala