na aap aae na bedad-e-intizar gai

na aap aa.e na bedād-e-intizār ga.ī

ye raat phir mirī āñkhoñ se aaj haar ga.ī

liye hue koī afsāna-e-bahār ga.ī

sabā chaman se bahut aaj sogvār ga.ī

huī jo sub.h to ashkoñ se jagmagā uTThī

jo aa.ī shaam to yādoñ se mushk-bār ga.ī

isī nigāh ne maarā alam-parastoñ ko

vahī nigāh mirī zindagī sañvār ga.ī

zamīn-e-kū-e-malāmat bhī ḳhair raah meñ thī

kahāñ kahāñ liye mauj-e-ḳhirām-e-yār ga.ī

na aap aae na bedad-e-intizar gai

ye raat phir meri aankhon se aaj haar gai

liye hue koi afsana-e-bahaar gai

saba chaman se bahut aaj sogwar gai

hui jo subh to ashkon se jagmaga uTThi

jo aai sham to yaadon se mushk-bar gai

isi nigah ne mara alam-paraston ko

wahi nigah meri zindagi sanwar gai

zamin-e-ku-e-malamat bhi KHair rah mein thi

kahan kahan liye mauj-e-KHiram-e-yar gai