na aarzuon ka chand chamka na qurbaton ke gulab mahke

Hasan Abbas Raza

na aarzuon ka chand chamka na qurbaton ke gulab mahke

Hasan Abbas Raza

MORE BYHasan Abbas Raza

    na ārzuoñ chāñd chamkā na qurbatoñ ke gulāb mahke

    na hijratoñ azaab sahte hue musāfir gharoñ ko lauTe

    na āñganoñ meñ daraḳht-e-jāñ par visāl-mausam bor jaagā

    na Daalī Daalī kisī parinde ne ḳhushbuoñ ke tarāne chheḌe

    varaq varaq zā.ichoñ meñ tahrīr ek se the javāb lekin

    savāl chakhne ḳhaam ḳhvāhish meñ ham ne kyā kyā azaab chakkhe

    bas ek Dhalvān darmiyāñ hai aur us se aage khulā jahannam

    na jaane kis pal ek laġhzish azaab sadiyāñ sameT laa.e

    hameñ ḳhabar hai ki apne ghar ke charāġh koī ghaḌī haiñ lekin

    hameñ yaqīñ hai ki raushnī naved sunñe talak jaleñge

    qabīle vaalo uTho! aur apnā bachāv kar lo, ki maiñ ne kal shab

    fasīl-e-shahr-e-amāñ ke bāhar naqab-zanoñ ke giroh dekhe

    na aarzuon ka chand chamka na qurbaton ke gulab mahke

    na hijraton ka azab sahte hue musafir gharon ko lauTe

    na aanganon mein daraKHt-e-jaan par visal-mausam ka bor jaga

    na Dali Dali kisi parinde ne KHushbuon ke tarane chheDe

    waraq waraq zaichon mein tahrir ek se the jawab lekin

    sawal chakhne ki KHam KHwahish mein hum ne kya kya azab chakkhe

    bas ek Dhalwan darmiyan hai aur us se aage khula jahannam

    na jaane kis pal ki ek laghzish azab sadiyan sameT lae

    hamein KHabar hai ki apne ghar ke charagh koi ghaDi hain lekin

    hamein yaqin hai ki raushni ki nawed sunne talak jalenge

    qabile walo uTho! aur apna bachaw kar lo, ki main ne kal shab

    fasil-e-shahr-e-aman ke bahar naqab-zanon ke giroh dekhe

    Source :
    • Book : Pakistani Adab (Pg. 429)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY