na aasman mein zamin mein na kaenat mein hai

na āsmāñ meñ zamīñ meñ na kā.enāt meñ hai

vo husn jo ki azal hī se terī zaat meñ hai

ye rang-o-nūr ye ḳhushbū ye mauj-hā-e-bahār

masarratoñ kā ḳhazāna rah-e-hayāt meñ hai

chhupā na pā.egā koī bhī mujh se rāz-e-hayāt

ki aa.ina ġham-e-daurāñ kā mere haath meñ hai

jo raag sirf thā mahdūd merī zaat talak

vo ban ke ek tarāna sā kā.enāt meñ hai

zamīn-bos abhī hogā fikr-o-fan kā mahal

ik intishār sā duniyā-e-be-sabāt meñ hai

ye aadmī kā hai jangal zarā sañbhal ke chalo

yahāñ to naag havas kā tumhārī ghaat meñ hai

badal hī jā.egī 'jāmī' tumhārī tarz-e-kalām

ik inqalāb kī ḳhushbū tumhārī baat meñ hai

na aasman mein zamin mein na kaenat mein hai

wo husn jo ki azal hi se teri zat mein hai

ye rang-o-nur ye KHushbu ye mauj-ha-e-bahaar

masarraton ka KHazana rah-e-hayat mein hai

chhupa na paega koi bhi mujh se raaz-e-hayat

ki aaina gham-e-dauran ka mere hath mein hai

jo rag sirf tha mahdud meri zat talak

wo ban ke ek tarana sa kaenat mein hai

zamin-bos abhi hoga fikr-o-fan ka mahal

ek intishaar sa duniya-e-be-sabaat mein hai

ye aadmi ka hai jangal zara sanbhal ke chalo

yahan to nag hawas ka tumhaari ghat mein hai

badal hi jaegi 'jami' tumhaari tarz-e-kalam

ek inqalab ki KHushbu tumhaari baat mein hai