na aasman se shikayat na baghban se mujhe

na āsmāñ se shikāyat na bāġhbāñ se mujhe

mire junūñ ne nikālā hai gulsitāñ se mujhe

ġham-e-habīb ye ehsāñ tirā na bhūlūñgā

ki be-niyāz kiyā tū ne do jahāñ se mujhe

fareb-e-vahm-o-gumāñ hai tilism-e-ilm-o-yaqīñ

ye dars-e-ḳhās milā sa.ī-e-rā.egāñ se mujhe

baḌe maze se guzartī jo dil pe bas hotā

najāt miltī nahīñ is balā-e-jāñ se mujhe

ye dair hai na haram us kī bazm hai 'rāhī'

azal se ek ta.alluq rahā hai yaañ se mujhe

na aasman se shikayat na baghban se mujhe

mere junun ne nikala hai gulsitan se mujhe

gham-e-habib ye ehsan tera na bhulunga

ki be-niyaz kiya tu ne do jahan se mujhe

fareb-e-wahm-o-guman hai tilism-e-ilm-o-yaqin

ye dars-e-KHas mila sai-e-raegan se mujhe

baDe maze se guzarti jo dil pe bas hota

najat milti nahin is bala-e-jaan se mujhe

ye dair hai na haram us ki bazm hai 'rahi'

azal se ek talluq raha hai yan se mujhe