na andheron mein kahin the na ujalon mein tum

na añdheroñ meñ kahīñ the na ujāloñ meñ tum

phir kahāñ se chale aa.e ho ḳhayāloñ meñ tum

maiñ ne dekhā hai kisī ko bhī nahīñ dikhtā maiñ

jab nahīñ hote mire dekhne vāloñ meñ tum

un ko mil jaatī hai manzil tumheñ kyā miltā hai

jaan kyoñ phūñkte rahte ho niDhāloñ meñ tum

saḳht ā.eñge javāb is meñ koī shak hī nahīñ

narmī bartoge agar yuuñ hī savāloñ meñ tum

buujh pāoge nahīñ kaun sī apnī chhab hai

dekhte rahiyo phir ā.īna ġhazāloñ meñ tum

tum jise DhūñDhne aa.e ho vahīñ miltā hai

jaao gum jaao phir apne hī ḳhayāloñ meñ tum

sab ke jaisā tumheñ honā hī nahīñ thā 'tarkash'

aur hī Dhab ke nirāle the nirāloñ meñ tum

na andheron mein kahin the na ujalon mein tum

phir kahan se chale aae ho KHayalon mein tum

main ne dekha hai kisi ko bhi nahin dikhta main

jab nahin hote mere dekhne walon mein tum

un ko mil jati hai manzil tumhein kya milta hai

jaan kyon phunkte rahte ho niDhaalon mein tum

saKHt aaenge jawab is mein koi shak hi nahin

narmi bartoge agar yun hi sawalon mein tum

bujh paoge nahin kaun si apni chhab hai

dekhte rahiyo phir aaina ghazalon mein tum

tum jise DhunDhne aae ho wahin milta hai

jao gum jao phir apne hi KHayalon mein tum

sab ke jaisa tumhein hona hi nahin tha 'tarkash'

aur hi Dhab ke nirale the niralon mein tum