na añgiyā na kurtī hai jaanī tumhārī
nahīñ paas koī nishānī tumhārī
huī 'rind' to zindagānī tumhārī
yahī hai agar nā-tavānī tumhārī
ziyāda huī yaad jaanī tumhārī
ġharaz qahr hai mehrbānī tumhārī
na bhūlūñgā hargiz na bhūlā huuñ ab tak
ināyat karam mehrbānī tumhārī
shabīh aap kī khīñch degā ye maanā
adā kis tarah khīñche maanī tumhārī
tabāh-o-ḳharāb ik jahāñ ko kiyā hai
ḳhudā kā ġhazab hai javānī tumhārī
vahī kah rahā huuñ jo farmāte ho tum
mirī guftugū hai zabānī tumhārī
barābar samajhte ho ġhairoñ ke mujh ko
rahe mehrbāñ qadrdānī tumhārī
dil o diida lapkā hai phañsne kā tum ko
kahāñ tak karūñ pāsbānī tumhārī
bas ab shakl dikhlāo be-jā hai ġhamza
bahut sun chuke lan-tarānī tumhārī
adam ko chalā le ke dāġh-e-mohabbat
dikhā.ūñgā sab ko nishānī tumhārī
kiyā imtihāñ merā sau ma.arakoñ meñ
vahī hai magar bad-gumānī tumhārī
jagā kar dil-e-zār ne hijr kī shab
sahar tak kahī hai kahānī tumhārī
burā gar na maano to sach sach maiñ kah duuñ
tum achchhe burī bad-zabānī tumhārī
karam kījiye aa.iye hazrat-e-ishq
hai ḳhūn-e-jigar mehmānī tumhārī
abas be-sabab be-jahat rūThte ho
yahī to barī ḳhū hai jaanī tumhārī
bhalā tum hī munsif ho lillāh bolo
vo kyā baat thī jo na maanī tumhārī
vo piirī meñ bhī 'rind' dekhe ab aa kar
jise yaad hove javānī tumhārī
na angiya na kurti hai jaani tumhaari
nahin pas koi nishani tumhaari
hui 'rind' to zindagani tumhaari
yahi hai agar na-tawani tumhaari
ziyaada hui yaad jaani tumhaari
gharaz qahr hai mehrbani tumhaari
na bhulunga hargiz na bhula hun ab tak
inayat karam mehrbani tumhaari
shabih aap ki khinch dega ye mana
ada kis tarah khinche mani tumhaari
tabah-o-KHarab ek jahan ko kiya hai
KHuda ka ghazab hai jawani tumhaari
wahi kah raha hun jo farmate ho tum
meri guftugu hai zabani tumhaari
barabar samajhte ho ghairon ke mujh ko
rahe mehrban qadrdani tumhaari
dil o dida lapka hai phansne ka tum ko
kahan tak karun pasbani tumhaari
bas ab shakl dikhlao be-ja hai ghamza
bahut sun chuke lan-tarani tumhaari
adam ko chala le ke dagh-e-mohabbat
dikhaunga sab ko nishani tumhaari
kiya imtihan mera sau marakon mein
wahi hai magar bad-gumani tumhaari
jaga kar dil-e-zar ne hijr ki shab
sahar tak kahi hai kahani tumhaari
bura gar na mano to sach sach main kah dun
tum achchhe buri bad-zabani tumhaari
karam kijiye aaiye hazrat-e-ishq
hai KHun-e-jigar mehmani tumhaari
abas be-sabab be-jahat ruThte ho
yahi to bari KHu hai jaani tumhaari
bhala tum hi munsif ho lillah bolo
wo kya baat thi jo na mani tumhaari
wo piri mein bhi 'rind' dekhe ab aa kar
jise yaad howe jawani tumhaari
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
