na baam-o-dasht na dariya na kohsar mile

na bām-o-dasht na dariyā na kohsār mile

junūñ kī raah thī hālāt sāzgār mile

laboñ pe harf-e-shikāyat bhī aa ke TuuT gayā

vo ḳhud figār the jo haath sañg-bār mile

udhar fasīl-e-shab-e-ġham idhar hai shahr-e-panāh

sabā se kahiyo vahīñ aa ke ek baar mile

ye bebasī to mire ahd kā muqaddar thī

diloñ ko dāġh-e-tamannā bhī musta.ār mile

hatheliyoñ pe charāġh-e-duā sajā.e hue

mile nigār-e-bahārāñ to sharmsār mile

koī to rāh-e-tamannā meñ ham-safar hotā

koī to kū-e-vafā meñ ḳhatā-shi.ār mile

mohabbatoñ se to pahle hī kyā tavaqqo thī

muravvatoñ ke bhī dāmān taar taar mile

maiñ kaise apne ḳhadd-o-ḳhāl aaj pahchānūñ

jo ā.īna mile ālūda-e-ġhubār mile

mirī talab kī ye me.arāj hai ki ijz 'adā'

jidhar se guzrūñ vahī ek rahguzār mile

na baam-o-dasht na dariya na kohsar mile

junun ki rah thi haalat sazgar mile

labon pe harf-e-shikayat bhi aa ke TuT gaya

wo KHud figar the jo hath sang-bar mile

udhar fasil-e-shab-e-gham idhar hai shahr-e-panah

saba se kahiyo wahin aa ke ek bar mile

ye bebasi to mere ahd ka muqaddar thi

dilon ko dagh-e-tamanna bhi mustaar mile

hatheliyon pe charagh-e-dua sajae hue

mile nigar-e-bahaaran to sharmsar mile

koi to rah-e-tamanna mein ham-safar hota

koi to ku-e-wafa mein KHata-shiar mile

mohabbaton se to pahle hi kya tawaqqo thi

murawwaton ke bhi daman tar tar mile

main kaise apne KHadd-o-KHal aaj pahchanun

jo aaina mile aaluda-e-ghubar mile

meri talab ki ye mearaj hai ki ijz 'ada'

jidhar se guzrun wahi ek rahguzar mile