na baz aae tum apni han kahte kahte

na baaz aa.e tum apnī haañ kahte kahte

magar thak ga.ī ye zabāñ kahte kahte

zabardast zid ne kiyā dil ko zaḳhmī

jigar shaq huā haañ meñ haañ kahte kahte

bache ḳhuub bātil kī ārā.iyoñ se

har ik baat par al-amāñ kahte kahte

kisī kī na dekhī kabhī mehrbānī

zabāñ thak ga.ī mehrbāñ kahte kahte

ubhartī ga.iiñ ta.an-o-tishna se qaumeñ

nishāñ ban gayā be-nishāñ kahte kahte

hameñ tum ne āḳhir kahīñ kā na rakkhā

zamāne kī nairañgiyāñ kahte kahte

na tafrīq kuchh dost dushman meñ rakkhī

hue bad-gumāñ bad-gumāñ kahte kahte

kiyā shauq ne roz-e-raushan meñ zāhir

khulā rāz-e-bātin nihāñ kahte kahte

lage haath malne zamāne ke ġhāfil

hui ḳhatm jab dāstāñ kahte kahte

isī tarah aaya hai rāh-e-amal par

jahāñ kā har ik kārvāñ kahte kahte

magar tum na samjhe nasīhat kisī kī

zamīñ ban ga.ī āsmāñ kahte kahte kahte

na māyūs ho qaum se apnī 'kubrā'

ki Tal jā.egī ye ḳhizāñ kahte kahte

na baz aae tum apni han kahte kahte

magar thak gai ye zaban kahte kahte

zabardast zid ne kiya dil ko zaKHmi

jigar shaq hua han mein han kahte kahte

bache KHub baatil ki aaraiyon se

har ek baat par al-aman kahte kahte

kisi ki na dekhi kabhi mehrbani

zaban thak gai mehrban kahte kahte

ubharti gain tan-o-tishna se qaumen

nishan ban gaya be-nishan kahte kahte

hamein tum ne aaKHir kahin ka na rakkha

zamane ki nairangiyan kahte kahte

na tafriq kuchh dost dushman mein rakkhi

hue bad-guman bad-guman kahte kahte

kiya shauq ne roz-e-raushan mein zahir

khula raaz-e-baatin nihan kahte kahte

lage hath malne zamane ke ghafil

hui KHatm jab dastan kahte kahte

isi tarah aaya hai rah-e-amal par

jahan ka har ek karwan kahte kahte

magar tum na samjhe nasihat kisi ki

zamin ban gai aasman kahte kahte kahte

na mayus ho qaum se apni 'kubra'

ki Tal jaegi ye KHizan kahte kahte