na chehra hi badalta hai na wo tewar badalta hai

na chehra hī badaltā hai na vo tevar badaltā hai

vo zālim sirf apne haath kā patthar badaltā hai

ka.ī tabdīliyāñ hotī haiñ insānoñ kī bastī meñ

parinda koī dekhā hai jo apnā ghar badaltā hai

jo ham ne apnī āñkheñ pheñk dī haiñ us ke qadmoñ pe

so apnī āñkheñ har ik gaam par dilbar badaltā hai

chamak uThte haiñ aañsū merī palkoñ ke kināroñ par

phir is ke ba.ad achānak ḳhvāb kā manzar badaltā hai

maiñ jab bhī phuul us kī yaad ke gulshan se chuntī huuñ

to 'bīnā' karb merā rañg kā paikar badaltā hai

na chehra hi badalta hai na wo tewar badalta hai

wo zalim sirf apne hath ka patthar badalta hai

kai tabdiliyan hoti hain insanon ki basti mein

parinda koi dekha hai jo apna ghar badalta hai

jo hum ne apni aankhen phenk di hain us ke qadmon pe

so apni aankhen har ek gam par dilbar badalta hai

chamak uThte hain aansu meri palkon ke kinaron par

phir is ke baad achanak KHwab ka manzar badalta hai

main jab bhi phul us ki yaad ke gulshan se chunti hun

to 'bina' karb mera rang ka paikar badalta hai