na Dhalti sham na ThanDi sahar mein rakkha hai
na Dhaltī shaam na ThanDī sahar meñ rakkhā hai
safar kā lutf kaḌī dopahar meñ rakkhā hai
judā.iyoñ ke manāzir haiñ ab bhī yādoñ meñ
bichhaḌte vaqt kā lamha nazar meñ rakkhā hai
bachā bachā ke ghanī chhāñv ko tirī ḳhātir
tamām umr badan ke shajar meñ rakkhā hai
tumhāre naam ko likkhā hai paikar-e-gul par
tumhārī yaad ko ḳhushbū ke ghar meñ rakkhā hai
kabhī sukūn se jiine nahīñ diyā us ne
vo ek ishq kā saudā jo sar meñ rakkhā hai
phir ek baar luTānā hai kārvāñ dil kā
qadam ko phir se tirī rahguzar meñ rakkhā hai
'ḳhumār' kis ne kiyā phir se dar-ba-dar mujh ko
ye kis ne mujh ko musalsal safar meñ rakkhā hai
na Dhalti sham na ThanDi sahar mein rakkha hai
safar ka lutf kaDi dopahar mein rakkha hai
judaiyon ke manazir hain ab bhi yaadon mein
bichhaDte waqt ka lamha nazar mein rakkha hai
bacha bacha ke ghani chhanw ko teri KHatir
tamam umr badan ke shajar mein rakkha hai
tumhaare nam ko likkha hai paikar-e-gul par
tumhaari yaad ko KHushbu ke ghar mein rakkha hai
kabhi sukun se jine nahin diya us ne
wo ek ishq ka sauda jo sar mein rakkha hai
phir ek bar luTana hai karwan dil ka
qadam ko phir se teri rahguzar mein rakkha hai
'KHumar' kis ne kiya phir se dar-ba-dar mujh ko
ye kis ne mujh ko musalsal safar mein rakkha hai
Source:
Sehmaahi Aamad (Pg. 129)
- Author: Azeema Firdausi
-
- Edition: Volume:2, Issue:5, Oct. Dec 2013
- Publisher: Arzoo Manzil, Sheesh Mahal Colony, Alamganj, Patna
- Year of Publication: Volume:2, Issue:5, Oct. Dec 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
