na dil dimagh ka isMein qusur hota hai

na dil dimāġh kā is meñ qusūr hotā hai

kisī se ek nazar kā fitūr hotā hai

rivāyateñ bhī ajab haiñ baḌī mohabbat kī

jo dil ke paas ho āñkhoñ se duur hotā hai

koī bhī shakl yuuñ hotī nahīñ hai nūrānī

tape jo aag meñ us par bhī nuur hotā hai

kuchh ek chiiz kahīñ aa to jaa.e haiñ lekin

ruke vahī haiñ jahāñ par shu.ūr hotā hai

ye rab hī jaane ki vo ishq kis ko kis se kab

par ek baar to sab ko zarūr hotā hai

kuchh ek ghūñT lagā raat milne jā.ūñgā

sunā hai shab ko nashe meñ vo chuur hotā hai

usūl-e-ishq kī takrār kā hai jis ko bhī

ziyāda pyaar usī kā qusūr hotā hai

na dil dimagh ka is mein qusur hota hai

kisi se ek nazar ka fitur hota hai

riwayaten bhi ajab hain baDi mohabbat ki

jo dil ke pas ho aankhon se dur hota hai

koi bhi shakl yun hoti nahin hai nurani

tape jo aag mein us par bhi nur hota hai

kuchh ek chiz kahin aa to jae hain lekin

ruke wahi hain jahan par shuur hota hai

ye rab hi jaane ki wo ishq kis ko kis se kab

par ek bar to sab ko zarur hota hai

kuchh ek ghunT laga raat milne jaunga

suna hai shab ko nashe mein wo chur hota hai

usul-e-ishq ki takrar ka hai jis ko bhi

ziyaada pyar usi ka qusur hota hai