na faeda ho to phir be-sabab nahin aate

na fā.eda ho to phir be-sabab nahīñ aate

mizāj pūchhne vaale bhī ab nahīñ aate

maiñ apnī mauj meñ bahtī huuñ 'anjanā' har pal

mujhe zamāne ke ye taur Dhab nahīñ aate

ye sub.h-o-shām jo zulm-o-sitam kī bārish hai

tirī zamīn pe yūñhī ġhazab nahīñ aate

maiñ Dhalnā chaah ke bhī is meñ Dhal nahīñ saktī

yahāñ ke taur mujhe itne sab nahīñ aate

kabhī kabhī tirā paiġhām le ke aate the

farishte vo bhī magar tere ab nahīñ aate

maiñ sīdhī-sādī zabāñ meñ karūñ huuñ abhivādan

mujhe banāvaTī jhūThe laqab nahīñ aate

maiñ apne shabdoñ ko ādāb bhī sikhātī huuñ

ġhazal meñ lafz mire be-adab nahīñ aate

na faeda ho to phir be-sabab nahin aate

mizaj puchhne wale bhi ab nahin aate

main apni mauj mein bahti hun 'anjana' har pal

mujhe zamane ke ye taur Dhab nahin aate

ye subh-o-sham jo zulm-o-sitam ki barish hai

teri zamin pe yunhi ghazab nahin aate

main Dhalna chah ke bhi is mein Dhal nahin sakti

yahan ke taur mujhe itne sab nahin aate

kabhi kabhi tera paigham le ke aate the

farishte wo bhi magar tere ab nahin aate

main sidhi-sadi zaban mein karun hun abhiwadan

mujhe banawaTi jhuThe laqab nahin aate

main apne shabdon ko aadab bhi sikhati hun

ghazal mein lafz mere be-adab nahin aate