na gul KHandan na bulbul naghma-KHwan hai

na gul ḳhandāñ na bulbul naġhma-ḳhvāñ hai

are gulchīñ ye nazm-e-gulsitāñ hai

chaman meñ phir banātā huuñ nasheman

sunā hai muzmahil barq-e-tapāñ hai

jise kahte the ham sone kī chiḌiyā

ye bhārat kyā vahī hindostāñ hai

sadā aatī hai paiham Thokaroñ se

ye sang-e-rahguzar manzil-rasāñ hai

ġhalat samt-e-safar kā hai ye hāsil

na jaada hai na manzil kā nishāñ hai

mujhe tār-e-shab-e-furqat kā ġham kyā

baham ik sham.a-e-yād-e-raftagāñ hai

sunā.eñ kis ko hāl-e-dil ham apnā

na mahram hai na koī rāz-dāñ hai

tirī yādoñ kā mausam hai nazar meñ

kahīñ sahrā meñ ik dariyā ravāñ hai

na gul KHandan na bulbul naghma-KHwan hai

are gulchin ye nazm-e-gulsitan hai

chaman mein phir banata hun nasheman

suna hai muzmahil barq-e-tapan hai

jise kahte the hum sone ki chiDiya

ye bhaarat kya wahi hindostan hai

sada aati hai paiham Thokaron se

ye sang-e-rahguzar manzil-rasan hai

ghalat samt-e-safar ka hai ye hasil

na jada hai na manzil ka nishan hai

mujhe tar-e-shab-e-furqat ka gham kya

baham ek shama-e-yaad-e-raftagan hai

sunaen kis ko haal-e-dil hum apna

na mahram hai na koi raaz-dan hai

teri yaadon ka mausam hai nazar mein

kahin sahra mein ek dariya rawan hai