na gul khile hain na gardish mein jam aaya hai

na gul khile haiñ na gardish meñ jaam aaya hai

ye kaisā ab ke chaman meñ nizām aaya hai

amal se zarf se īsār se mohabbat se

hamārā dil hī zamāne ke kaam aaya hai

atā huā hai jinheñ azm sarfaroshī kā

unhīñ ko dār-o-rasan kā salām aaya hai

libās-e-sharm-o-hayā nazr-e-maslahat kar ke

ye kaun dekhnā bālā-e-bām aaya hai

ham apne dard ko bhī dard kah nahīñ sakte

koī batā.e ye kaisā maqām aaya hai

tilism TuuT gayā hai 'sahar' judā.ī kā

nigāh-e-mast kā jab bhī payām aaya hai

na gul khile hain na gardish mein jam aaya hai

ye kaisa ab ke chaman mein nizam aaya hai

amal se zarf se isar se mohabbat se

hamara dil hi zamane ke kaam aaya hai

ata hua hai jinhen azm sarfaroshi ka

unhin ko dar-o-rasan ka salam aaya hai

libas-e-sharm-o-haya nazr-e-maslahat kar ke

ye kaun dekhna baala-e-baam aaya hai

hum apne dard ko bhi dard kah nahin sakte

koi batae ye kaisa maqam aaya hai

tilism TuT gaya hai 'sahar' judai ka

nigah-e-mast ka jab bhi payam aaya hai