na gul se hai gharaz tere na hai gulzar se matlab
na gul se hai ġharaz tere na hai gulzār se matlab
rakhā chashm-e-nazar shabnam meñ apne yaar se matlab
ye dil dām-e-nigah meñ tark ke bas jā hī aTkā hai
bar aave kis tarah allāh ab ḳhūñ-ḳhvār se matlab
ba-juz haq ke nahīñ hai ġhair se hargiz tavaqqo kuchh
magar duniyā ke logoñ meñ mujhe hai pyaar se matlab
na samjhā ham ko tū ne yaar aisī jāñ-fishānī par
bhalā pāveñge ai nādāñ kisī hushyār se matlab
na 'chandā' ko tama.a jannat kī ne ḳhauf-e-jahannam hai
rahe hai do-jahāñ meñ haidar-e-karrār se matlab
na gul se hai gharaz tere na hai gulzar se matlab
rakha chashm-e-nazar shabnam mein apne yar se matlab
ye dil dam-e-nigah mein tark ke bas ja hi aTka hai
bar aawe kis tarah allah ab KHun-KHwar se matlab
ba-juz haq ke nahin hai ghair se hargiz tawaqqo kuchh
magar duniya ke logon mein mujhe hai pyar se matlab
na samjha hum ko tu ne yar aisi jaan-fishani par
bhala pawenge ai nadan kisi hushyar se matlab
na 'chanda' ko tama jannat ki ne KHauf-e-jahannam hai
rahe hai do-jahan mein haidar-e-karrar se matlab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
