na hai usko mujhse ghaflat na wo zimmedar kam hai

na hai us ko mujh se ġhaflat na vo zimmedār kam hai

pa alag hai us kī fitrat vo vafā-shi.ār kam hai

mirī hasrateñ miTeñgī mire ḳhvāb hoñge puure

mujhe apne is yaqīñ par zarā e'tibār kam hai

na baḌhā.e aur duurī koī aane vaalā mausam

chalo fāsle miTā leñ ki abhī darār kam hai

ye tum hī pe munhasir hai ki tum aao yā na aao

maiñ bhalā ye kaise kah duuñ mujhe intizār kam hai

yahī chāhte the ham bhī ki na rāz-e-dil ayaañ ho

magar apne āñsuoñ par hameñ iḳhtiyār kam hai

vo uThā thā ek tūfāñ jo machā gayā tabāhī

abhī āñdhiyāñ thamī haiñ to abhī ġhubār kam hai

kahīñ kho ga.e tasavvur jo bikhar gayā taḳhayyul

to 'shifā' ye kaise kah de ki vo be-qarār kam hai

na hai us ko mujh se ghaflat na wo zimmedar kam hai

pa alag hai us ki fitrat wo wafa-shiar kam hai

meri hasraten miTengi mere KHwab honge pure

mujhe apne is yaqin par zara e'tibar kam hai

na baDhae aur duri koi aane wala mausam

chalo fasle miTa len ki abhi darar kam hai

ye tum hi pe munhasir hai ki tum aao ya na aao

main bhala ye kaise kah dun mujhe intizar kam hai

yahi chahte the hum bhi ki na raaz-e-dil ayan ho

magar apne aansuon par hamein iKHtiyar kam hai

wo uTha tha ek tufan jo macha gaya tabahi

abhi aandhiyan thami hain to abhi ghubar kam hai

kahin kho gae tasawwur jo bikhar gaya taKHayyul

to 'shifa' ye kaise kah de ki wo be-qarar kam hai