na hum ko yaad karo aur na yaad aao hamein
na ham ko yaad karo aur na yaad aao hameñ
ajiib hukm hai kahte haiñ bhuul jaao hameñ
tumhāre chehre to kuchh raushnī meñ aa jaao
jo ho sake to zarā der tak jalāo hameñ
hameñ aziiz ho kitne ye jānñe ke liye
hamārī jaan bhī hāzir hai āzmāo hameñ
khuleñge kitne hī asrār-e-lafz lafz magar
kabhī to tum bhī akele meñ gungunāo hameñ
zarūratoñ ke sabab ham bhī bik ga.e 'mahvar'
nazar se apnī gire haiñ zarā uThāo hameñ
na hum ko yaad karo aur na yaad aao hamein
ajib hukm hai kahte hain bhul jao hamein
tumhaare chehre to kuchh raushni mein aa jao
jo ho sake to zara der tak jalao hamein
hamein aziz ho kitne ye jaanne ke liye
hamari jaan bhi hazir hai aazmao hamein
khulenge kitne hi asrar-e-lafz lafz magar
kabhi to tum bhi akele mein gungunao hamein
zaruraton ke sabab hum bhi bik gae 'mahwar'
nazar se apni gire hain zara uThao hamein
Source:
Sukoot Ke Baad (Pg. 79)
- Author: Mehwar Noori
-
- Edition: 1997
- Publisher: Urdu Tahzeeb, Delhi
- Year of Publication: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
