na humne aankh laDai na KHwab mein dekha
na ham ne aañkh laḌā.ī na ḳhvāb meñ dekhā
magar tumheñ dil-e-ḳhāna-ḳharāb meñ dekhā
taḌap taḌap ke tire āstāñ pe le aayā
baḌā asar dil-e-pur-iztirāb meñ dekhā
kabhī nigāh-e-karam hai kabhī itaab kī lahar
ajiib lutf tire pech-o-tāb meñ dekhā
baḌe ḳhulūs kī bātoñ ke ba.ad shart-e-vafā
tirā ġhurūr bhī ḳhat ke javāb meñ dekhā
nazar milāte hī ġham ho ga.e havās 'nazar'
ḳhumār aañkh se chhalkī sharāb meñ dekhā
na hum ne aankh laDai na KHwab mein dekha
magar tumhein dil-e-KHana-KHarab mein dekha
taDap taDap ke tere aastan pe le aaya
baDa asar dil-e-pur-iztirab mein dekha
kabhi nigah-e-karam hai kabhi itab ki lahar
ajib lutf tere pech-o-tab mein dekha
baDe KHulus ki baaton ke baad shart-e-wafa
tera ghurur bhi KHat ke jawab mein dekha
nazar milate hi gham ho gae hawas 'nazar'
KHumar aankh se chhalki sharab mein dekha
Source:
Mata-e-Nazar (Pg. 31)
- Author: Nazar Barni
-
- Edition: 1969
- Publisher: Maktaba Naaz-e-Baran, Jamia Nagar, New Delhi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
