na hañstā huuñ na rotā huuñ mujhe bhī mas.ala hai
ḳhushī bhī mas.ala mujh ko udāsī mas.ala hai
ye pīḌhī se rivāyat kā makānī mas.ala hai
udāsī to hamārā ḳhāndānī mas.ala hai
marīz-e-ishq huuñ ta.avīz mujh pe be-asar haiñ
so sab kahte haiñ mujh ko āsmānī mas.ala hai
mohabbat qaid ho ke rah ga.ī sarhad kī had tak
mohabbat se siyāsat ko siyāsī mas.ala hai
jahāñ pe ronā ho mujh ko vahāñ rotā nahīñ maiñ
mirī āñkhoñ kā paanī bhī mujhe hī mas.ala hai
mire sab sher ḳhārij haiñ ye maiñ bhī jāntā huuñ
ye uulā mas.ala hai aur saanī mas.ala hai
na hansta hun na rota hun mujhe bhi masala hai
KHushi bhi masala mujh ko udasi masala hai
ye piDhi se riwayat ka makani masala hai
udasi to hamara KHandani masala hai
mariz-e-ishq hun tawiz mujh pe be-asar hain
so sab kahte hain mujh ko aasmani masala hai
mohabbat qaid ho ke rah gai sarhad ki had tak
mohabbat se siyasat ko siyasi masala hai
jahan pe rona ho mujh ko wahan rota nahin main
meri aankhon ka pani bhi mujhe hi masala hai
mere sab sher KHarij hain ye main bhi jaanta hun
ye ula masala hai aur sani masala hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.