na hawa-e-jah-e-sikandari na hawas ki mahfil-e-jam mile

na havā-e-jāh-e-sikandarī na havas ki mahfil-e-jam mile

mire dost tere dayār kī mujhe ḳhaak zer-e-qadam mile

sar-e-bazm un kī janāb meñ kise tāb-e-dīd-e-jamāl thī

vo to kahiye ḳhalvat-e-nāz meñ baḌī ehtiyāt se ham mile

kise ab sunā.eñ hadīs-e-ġham kise dil ke daaġh dikhā.eñ ham

thī karam kī jin se umiid kuchh vahī mahv-e-kār-e-sitam mile

yahī mai-kade kā nizām hai yahī tarz-e-gardish-e-jām hai

ki bajā.e bāda-e-mushk-bū kabhī tishnagī kabhī sam mile

jo nigāh zarf-shanās ho to ye farz pīr-e-muġhāñ kā hai

na kisī kā jaam chhalak paḌe na kisī ko zarf se kam mile

vahī bazm-gah ke charāġh the thī unhī se shaukat-e-razm-gah

magar aah banda-e-maslahat vahī ahl-e-saif-o-qalam mile

vahāñ chaak parda-e-rāz thā baḌī go-mago meñ 'ayāz' thā

jinheñ apne zohd pe naaz thā vo asīr-e-zulf-e-sanam mile

na hawa-e-jah-e-sikandari na hawas ki mahfil-e-jam mile

mere dost tere dayar ki mujhe KHak zer-e-qadam mile

sar-e-bazm un ki janab mein kise tab-e-did-e-jamal thi

wo to kahiye KHalwat-e-naz mein baDi ehtiyat se hum mile

kise ab sunaen hadis-e-gham kise dil ke dagh dikhaen hum

thi karam ki jin se umid kuchh wahi mahw-e-kar-e-sitam mile

yahi mai-kade ka nizam hai yahi tarz-e-gardish-e-jam hai

ki bajae baada-e-mushk-bu kabhi tishnagi kabhi sam mile

jo nigah zarf-shanas ho to ye farz pir-e-mughan ka hai

na kisi ka jam chhalak paDe na kisi ko zarf se kam mile

wahi bazm-gah ke charagh the thi unhi se shaukat-e-razm-gah

magar aah banda-e-maslahat wahi ahl-e-saif-o-qalam mile

wahan chaak parda-e-raaz tha baDi go-mago mein 'ayaz' tha

jinhen apne zohd pe naz tha wo asir-e-zulf-e-sanam mile