na hi zindagani kamal hai na hi maut mera zawal hai

na hī zindagānī kamāl hai na hī maut merā zavāl hai

ki javāb jis kā na mil sakā mire zehn meñ vo savāl hai

jise ham samajhte haiñ marg hai vo to ik taġhayyur-e-hāl hai

jiye jis ke hijr meñ umr-bhar vo hī ek lamha visāl hai

faqat ik sarāb hai zindagī ki hasīñ sā ḳhvāb hai zindagī

mire ḳhvāb āñkhoñ se chhin ga.e to ye zindagī bhī muhāl hai

hai azal se yuuñ hī tū juuñ kā tuuñ mujhe rafta rafta guzār kar

ye hī silsila shab-o-roz kā ye jo gardish-e-mah-o-sāl hai

jo ho band aañkh to kyā ḳhabar hameñ saaf aane lage nazar

jise ham samajhte haiñ zindagī faqat ek ḳhvāb-o-ḳhayāl hai

na hi zindagani kamal hai na hi maut mera zawal hai

ki jawab jis ka na mil saka mere zehn mein wo sawal hai

jise hum samajhte hain marg hai wo to ek taghayyur-e-haal hai

jiye jis ke hijr mein umr-bhar wo hi ek lamha visal hai

faqat ek sarab hai zindagi ki hasin sa KHwab hai zindagi

mere KHwab aankhon se chhin gae to ye zindagi bhi muhaal hai

hai azal se yun hi tu jun ka tun mujhe rafta rafta guzar kar

ye hi silsila shab-o-roz ka ye jo gardish-e-mah-o-sal hai

jo ho band aankh to kya KHabar hamein saf aane lage nazar

jise hum samajhte hain zindagi faqat ek KHwab-o-KHayal hai