na ho hayat ka hasil to bandagi kya hai
na ho hayāt kā hāsil to bandagī kyā hai
jo be-niyāz ho sajdoñ se zindagī kyā hai
sadā-bahār chaman meñ bhī gar nasheman ho
tire baġhair jo guzre vo zindagī kyā hai
ḳhudā ko maan ke ḳhud ko ḳhudā samajhtā hai
anā-parastī sarāsar hai bandagī kyā hai
bas ham kamāl samajhte hai jiite rahne ko
ye karbalā ne batāyā ki zindagī kyā hai
vo jo faqīr sifat ḳhud ko kahtā phirtā hai
qabā harīr kī pahne hai sādgī kyā hai
na ho hayat ka hasil to bandagi kya hai
jo be-niyaz ho sajdon se zindagi kya hai
sada-bahaar chaman mein bhi gar nasheman ho
tere baghair jo guzre wo zindagi kya hai
KHuda ko man ke KHud ko KHuda samajhta hai
ana-parasti sarasar hai bandagi kya hai
bas hum kamal samajhte hai jite rahne ko
ye karbala ne bataya ki zindagi kya hai
wo jo faqir sifat KHud ko kahta phirta hai
qaba harir ki pahne hai sadgi kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
