na hota dahr se jo be-niyaz kya karta

na hotā dahr se jo be-niyāz kyā kartā

khulā thā mujh pe kuchh aisā hī raaz kyā kartā

marīz kashmakash-e-jabr-o-iḳhtiyār meñ thā

ilāj-e-jazb-o-kashish chāra-sāz kyā kartā

tire karam ne to duniyā hī sauñp dī thī mujhe

bachā ke kuchh na rakhā hirs-o-āz kyā kartā

bigaḌ gayā mirā huliya to barhamī kaisī

the rahguzar meñ nasheb-o-farāz kyā kartā

mujhe ḳhabar thī ki maiñ bhī tire sabab se huuñ

phir apnī zaat pe maiñ faḳhr-o-nāz kyā kartā

tamām umr rahe pahre-dār kāñdhoñ par

tire ḳhilāf ai 'anjum'-navāz kyā kartā

na hota dahr se jo be-niyaz kya karta

khula tha mujh pe kuchh aisa hi raaz kya karta

mariz kashmakash-e-jabr-o-iKHtiyar mein tha

ilaj-e-jazb-o-kashish chaara-saz kya karta

tere karam ne to duniya hi saunp di thi mujhe

bacha ke kuchh na rakha hirs-o-az kya karta

bigaD gaya mera huliya to barhami kaisi

the rahguzar mein nasheb-o-faraaz kya karta

mujhe KHabar thi ki main bhi tere sabab se hun

phir apni zat pe main faKHr-o-naz kya karta

tamam umr rahe pahre-dar kandhon par

tere KHilaf ai 'anjum'-nawaz kya karta