na hua mail-e-wafa na hua

na huā mā.il-e-vafā na huā

merā matlab kabhī adā na huā

naza.a meñ un kā sāmnā na huā

ye bhī achchhā huā burā na huā

muñh pe Daale naqāb aa.e haiñ

hashr meñ bhī to sāmnā na huā

nāvak-e-yār hī rahā hamdam

dil se mere kabhī judā na huā

bad-nasībī ki ai dil-e-betāb

tū hī ik lā.eq-e-sazā na huā

un kī taskīñ se aur baḌhnā thā

dard-e-dil tham gayā sivā na huā

dūr-andesh hai bahut nāseh

kitnā chheḌā magar ḳhafā na huā

jam.a aġhyār to haiñ mahfil meñ

merā kyā maiñ huā huā na huā

mar-miTā jin ke ishq meñ 'sayyāf'

va.ada un kā kabhī vafā na huā

na hua mail-e-wafa na hua

mera matlab kabhi ada na hua

naza mein un ka samna na hua

ye bhi achchha hua bura na hua

munh pe Dale naqab aae hain

hashr mein bhi to samna na hua

nawak-e-yar hi raha hamdam

dil se mere kabhi juda na hua

bad-nasibi ki ai dil-e-betab

tu hi ek laeq-e-saza na hua

un ki taskin se aur baDhna tha

dard-e-dil tham gaya siwa na hua

dur-andesh hai bahut naseh

kitna chheDa magar KHafa na hua

jama aghyar to hain mahfil mein

mera kya main hua hua na hua

mar-miTa jin ke ishq mein 'sayyaf'

wada un ka kabhi wafa na hua