na itna chahiye ai pur-shikam KHwab

Shaikh Zahuruddin Hatim

na itna chahiye ai pur-shikam KHwab

Shaikh Zahuruddin Hatim

MORE BYShaikh Zahuruddin Hatim

    na itnā chāhiye ai pur-shikam ḳhvāb

    ki tere haq meñ hai zālim sitam ḳhvāb

    ḳhayāl-e-māh-rū meñ tā-dam-e-sub.h

    na aayā raat mujh ko ek dam ḳhvāb

    kaho to kis tarah aave vahāñ niiñd

    jahāñ ḳhurshīd-rū ho aa ke ham-ḳhvāb

    palak lagte nahīñ kyā uḌ gayā hai

    nasīboñ tire ai chashm-e-nam ḳhvāb

    hameñ behtar hai sonā jāgne se

    bhulātā hai hamārā dard-o-ġham ḳhvāb

    kahe thā raat ko 'hātim' se 'mazmūñ'

    mujhe maḳhmal upar aatā hai kam ḳhvāb

    na itna chahiye ai pur-shikam KHwab

    ki tere haq mein hai zalim sitam KHwab

    KHayal-e-mah-ru mein ta-dam-e-subh

    na aaya raat mujh ko ek dam KHwab

    kaho to kis tarah aawe wahan nind

    jahan KHurshid-ru ho aa ke ham-KHwab

    palak lagte nahin kya uD gaya hai

    nasibon ka tere ai chashm-e-nam KHwab

    hamein behtar hai sona jagne se

    bhulata hai hamara dard-o-gham KHwab

    kahe tha raat ko 'hatim' se 'mazmun'

    mujhe maKHmal upar aata hai kam KHwab

    Source
    • Book : Diwan Zadah (Pg. 145)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY