na-jaane kitne lahje aur kitne rang badlega

na-jāne kitne lahje aur kitne rañg badlegā

vo apne haq meñ hī saare usūl-e-jañg badlegā

ḳhalā meñ tairte maskan rihā.ish ke liye hoñge

ye mustaqbil mirā tahzīb-e-ḳhisht-o-sañg badlegā

dar-o-dīvār kyā jāneñ khulā-pan āsmānoñ kā

kushāda-dil vahī hogā jo zehan-e-tañg badlegā

baḌhā.egā vo apne qad ko bāñsoñ par khaḌe ho kar

kabhī tārīḳh badlegā kabhī farhañg badlegā

amīr-e-shahr ne ham ko sagān-e-shahr samjhā hai

vo apnā kaam rokegā na apnā Dhañg badlegā

bahut chhoTā sahī ye dil magar 'anjum' ye mumkin hai

tavāzun ishq kā ab to yahī pasañg badlegā

na-jaane kitne lahje aur kitne rang badlega

wo apne haq mein hi sare usul-e-jang badlega

KHala mein tairte maskan rihaish ke liye honge

ye mustaqbil mera tahzib-e-KHisht-o-sang badlega

dar-o-diwar kya jaanen khula-pan aasmanon ka

kushada-dil wahi hoga jo zehan-e-tang badlega

baDhaega wo apne qad ko banson par khaDe ho kar

kabhi tariKH badlega kabhi farhang badlega

amir-e-shahr ne hum ko sagan-e-shahr samjha hai

wo apna kaam rokega na apna Dhang badlega

bahut chhoTa sahi ye dil magar 'anjum' ye mumkin hai

tawazun ishq ka ab to yahi pasang badlega