na jaane kyon chale aate hain chupke se bahane se

na jaane kyoñ chale aate haiñ chupke se bahāne se

'ajab haiñ raaz āñkhoñ ke nahīñ chhupte chhupāne se

kisī banjar zamīñ par jis tarah bādal barastā hai

ragoñ meñ jaan paḌ jaatī hai un ke muskurāne se

jo dāman par lage haiñ daaġh dhul jā.eñge bārish meñ

ye dil ke daaġh haiñ aise nahīñ miTte miTāne se

zamāna ye na samjhe ab yahī hai āḳhirī manzil

guzar jā.eñge ye lamhe koī kah de zamāne se

sulagte manzar-o-māhaul sab bujh se ga.e lekin

jo sho'le dil meñ bhaḌke haiñ nahīñ bujhte bujhāne se

na jaane kyon chale aate hain chupke se bahane se

'ajab hain raaz aankhon ke nahin chhupte chhupane se

kisi banjar zamin par jis tarah baadal barasta hai

ragon mein jaan paD jati hai un ke muskurane se

jo daman par lage hain dagh dhul jaenge barish mein

ye dil ke dagh hain aise nahin miTte miTane se

zamana ye na samjhe ab yahi hai aaKHiri manzil

guzar jaenge ye lamhe koi kah de zamane se

sulagte manzar-o-mahaul sab bujh se gae lekin

jo sho'le dil mein bhaDke hain nahin bujhte bujhane se