na jaane nikle baDe log hain kahan ki taraf

na jaane nikle baḌe log haiñ kahāñ kī taraf

zamīñ kī baat hai aur aañkh āsmāñ kī taraf

jahān vaale sabhī thak ga.e falak takte

ḳhudā kabhī tū bhī to dekhā kar jahāñ kī taraf

mare baġhair mirā bebasī se marnā ho jaa.e

chalā hai tiir kisī kā mirī kamāñ kī taraf

tujhe hisāb de duuñ tū ne kitnā qatl kiyā

farishta ban ke chale aa kabhī yahāñ kī taraf

hai nāzukī ne bhī talvār taan dī 'vatsal'

ye lafz-e-ishq chalā aayā jo zabāñ kī taraf

na jaane nikle baDe log hain kahan ki taraf

zamin ki baat hai aur aankh aasman ki taraf

jahan wale sabhi thak gae falak takte

KHuda kabhi tu bhi to dekha kar jahan ki taraf

mare baghair mera bebasi se marna ho jae

chala hai tir kisi ka meri kaman ki taraf

tujhe hisab de dun tu ne kitna qatl kiya

farishta ban ke chale aa kabhi yahan ki taraf

hai nazuki ne bhi talwar tan di 'watsal'

ye lafz-e-ishq chala aaya jo zaban ki taraf